Кападо́кія (грэч.: Καππαδοκία, перс. کاپادوکیه (Katpatuka, «Краіна цудоўных коней»), лац.: Cappadocia, турэцк.: Kapadokya) — гістарычная назва мясцовасці ў сярэдняй частцы Малай Азіі на тэрыторыі сучаснай Турцыі (частка зямель правінцый Неўшэхір, Кайсеры, Аксарай і Нійдэ), ужываецца з часоў антычнасці да нашых дзён. Характарызуецца надзвычай цікавым ландшафтам вулканічнага паходжання, падземнымі гарадамі, створанымі ў 1 тысячагоддзі да н.э. і абшырнымі пячорнымі манастырамі, якія вядуць сваю гісторыю з часоў ранніх хрысціян. Нацыянальны парк Гёрэме і пячорныя паселішчы Кападокіі ўваходзяць у спіс Сусветнай спадчыны ЮНЕСКА.
Замак Нойшванштайн (ням.: Schloß Neuschwanstein [nɔy’ʃvanʃtain], літаральна: «Новы лебядзіны камень») — замак 19 стагоддзя каля невялікага горада Фюсэн і Замка Хоэншвангау ў паўднёва-заходняй частцы Баварыі, непадалёк ад аўстрыйскай мяжы. Замак з'яўляецца збудаваннем у Баварыі, якое наведваецца і фатаграфуецца часцей за ўсё.
Нацыянальны парк Лос-Гласьярэс (ісп.: Parque Nacional Los Glaciares) — нацыянальны парк, размешчаны ў Патагоніі (Паўднёвая Амерыка), на тэрыторыі аргенцінскай правінцыі Санта-Крус. Плошча парку складае 4459 км ². У 1981 годзе быў унесены ў спіс Сусветнай спадчыны.