Аэрапорт Барыспаль (укр.: Бориспіль) — міжнародны аэрапорт горада Кіева (Украіна), найбуйнейшы па аб'ёмах перавозак аэрапорт на тэрыторыі Украіны. Афіцыйная назва - Дзяржаўнае прадпрыемства «Міжнародны аэрапорт Барыспаль». Пабудаваны архітэктарамі А. В. Дабравольскім, А. І. Маліноўскім, Д. П. Папенка.
Размешчаны у 18,5 км на ўсход ад ўезду ў Кіеў (Харкаўскай плошчы і станцыі метро «Барыспальская»), у горадзе Барыспаль Кіеўскай вобласці. Абслугоўвае 62% міжнародных авіяперавозак Украіны. За 2011 год аэрапорт абслужыў 8.000.000 пасажыраў. У дзень правядзення фінальнага матчу футбольнага чэмпіянату Еўра-2012, 1 ліпеня, міжнародны аэрапорт Барыспаль абслужыў 630 рэйсаў (358 - на прыбыццё і 272 - на адпраўку). Абсалютны сутачны максімум пасажыраў, якія скарысталіся паслугамі аэрапорта, склаў 39 317 чалавек. З аэрапорта «Барыспаль» 43 міжнародныя і 9 ўкраінскіх авіякампаній выконваюць рэгулярныя рэйсы па 95 напрамках (83 міжнародных і 12 ўнутрыўкраінскіх).
Аэрадром здольны прымаць любыя тыпы паветраных судоў. Класіфікацыйныя лікі УПП (PCN): 18п/36л 39/R/C/X/T, 18л/36п 80/R/C/W/T.
Заснаваны пастановай Савета Міністраў УССР 22 чэрвеня 1959 года на базе ваеннага аэрадрома.
Аэрапорт мае пяць тэрміналаў:
У 2007 годзе тэрмінал У быў рэканструяваны. У канцы 2008 года пачалося будаўніцтва тэрміналаў D (афіцыйнае адкрыццё адбыцца 28 мая 2012 года) і F (афіцыйнае адкрыццё адбылося 31 кастрычніка 2010 года). Запланавана будаўніцтва хуткаснай чыгуначнай лініі з аэрапорта ў Кіеў.
