Езуіцкая царква Святога Міхаіла (ням.: Jesuitenkirche St. Michael) на Нойхаўзэрштрасэ (ням. Neuhauser Straße) у Мюнхене — у свой час адна з галоўных цытадэляў контррэфармацыі.
Будаўніцтва пачалося ў 1583 годзе, але перарвалася падзеннем адной з вежаў, таму сабор быў асвячоны толькі ў 1597 годзе. У лістападзе 1944 года царква была разбурана бамбёжкай, адноўленая ў 1947-48 гадах. Фасад сабора нагадвае сярэднявечную ратушу - з-за вострага трохвугольнага франтона, на вяршыні якога знаходзіцца фігура Ісуса. Ля ўваходу ў царкву пад мармуровым парталам стаіць бронзавая статуя архангела Міхаіла, якая была створана яшчэ ў канцы XVI стагоддзя. Акрамя таго, у нішах знаходзяцца 15 статуй заступнікаў гэтага сабора.