Дом Пяркунаса — адна з найбольш арыгінальных і старажытных гатычных свецкіх пабудоў, размешчаная ў Старым горадзе Каўнаса, Літва. Дом Пяркунаса быў уключаны ў Рэгістр нерухомай культурнай спадчыны Літвы ў 1996 годзе.
Першапачаткова быў пабудаваны ганзейскімі купцамі; быў іх канторай з 1440 па 1532, быў прададзены ў XVI стагоддзі езуітам, якія адкрылі там капэлу ў 1643. Езуіты таксама завяршылі Царкву Св. Францыска Ксаверыя на плошчы каля ратушы ў 1722 годзе.
Разбураны дом быў перабудаваны ў XIX стагоддзі і выкарыстоўваўся ў якасці школы і тэатра, які наведваў паэт Адам Міцкевіч. У канцы XIX стагоддзя быў пераназваны ў «Дом Пяркунаса» пасля таго, як фігура, знойдзена на адной са сцен, была інтэрпрэтавана рамантычна настроенымі гісторыкамі таго часу як ідал балтыйскага язычніцкага бога грома і неба Пяркунаса. Сёння дом Пяркунаса зноў належыць езуітам, у ім размяшчаецца музей Адама Міцкевіча.
У гэтым доме нарадзіўся літоўскі гісторык, тэолаг і перакладчык Альберт Віюк-Каяловіч .