Фраўэнкірхэ (ням.: Frauenkirche), афіцыйная назва Сабор Найсвяцейшай Дзевы Марыі (ням.: Der Dom zu Unserer Lieben Frau) — самы высокі сабор Мюнхена, сімвал горада. Фраўэнкірхэ з'яўляецца кафедральным саборам каталіцкай архідыяцэзіі Мюнхена і Фрайзінга.
Будаўніцтва сабора ў стылі готыкі пачалося ў 1468 годзе і скончылася ў 1525 годзе.
У саборы могуць змясціцца 20 000 вернікаў, на момант заканчэння будаўніцтва насельніцтва Мюнхена складала ўсяго 13 000 чалавек. Вышыня сабора — 99 метраў. Па рашэнні рэферэндуму, які адбыўся ў 2004 годзе, у Мюнхене часова забаронена будаваць будынкі вышэй Фраўэнкірхэ, гэта значыць вышэй за 100 метраў.
Сабор размешчаны непадалёк ад галоўнай плошчы горада - Марыенплац.
