Галіцкае возера — возера ў Кастрамской вобласці Расіі. Плошча 75,4 км². Возера мае авальную форму, выцягнута з захаду на ўсход. Даўжыня возера - 17 км, найбольшая шырыня - 6,4 км, глыбіня да 5 метраў. Роўныя берагі забалочаныя. Дно глеістае, у возеры буйныя запасы сапрапелю. З канца кастрычніка па красавік возера замярзае.
Узровень вады ў возеры - 100 м над узроўнем мора. Галіцкае возера сілкуецца ў асноўным грунтавымі водамі. З усходняга боку ў яго ўпадаюць некалькі рэк, самыя буйныя - Чэлсма і Сярэдняя, выцякае Векса.
На паўднёвым беразе возера размешчаны г. Галіч.