Троіцкая царква ў Гергеці (груз. გერგეტის წმინდა სამება) — праваслаўны храм, размешчаны на вышыні 2170 м ля падножжа Казбека ўздоўж Ваенна-Грузінскай дарогі ў грузінскай вёсцы Гергеці на правым беразе Чхеры (прыток Церака), прама над пасёлкам Сцяпанцмінда.
Пабудаваная ў XIV стагоддзі святыня з'яўляецца адзіным крыжова-купальным храмам у вобласці Хеві. Каля храма захавалася сярэднявечная званіца.
Падчас нашэсця на Тбілісі персаў (1795 год) у Гергеці хавалі крыж святой Ніны. У савецкі час царква была зачынена, цяпер вернутая Грузінскай праваслаўнай царквы.