Грынвіцкі парк (англ. Greenwich Park) — былы паляўнічы парк у Грынвічы і адна з самых вялікіх зялёных зон на паўднёвым усходзе Лондана. Уваход - праз вароты з двума калонамі, упрыгожанымі пазалочанымі шарамі, якія сімвалізуюць Зямны шар.
Парк з'яўляецца валоданнем кароны, у часы праўлення Якава I ён быў абнесены сцяной і доўгі час заставаўся недаступным для шэраговых наведвальнікаў. Свой праект добраўпарадкавання парку ў 1662 годзе прапаноўваў вялікі ландшафтны архітэктар Андрэ Ленотр, аўтар садова-паркавага комплексу ў Версалі, аднак ці былі яны ўвасоблены ў жыццё - застаецца невядомым.
На Грынвіцкім пагорку знаходзіцца Каралеўская абсерваторыя. Знакаміты Грынвіцкі мерыдыян, які дзеліць Зямлю на заходняе і ўсходняе паўшар'е, праходзіць тут акурат па двары і адзначаны бліскучай паласой.