Храм Антаніна і Фаўсціны — храм на Рымскім форуме, пабудаваны ў 141 н.э. па загаду імператара Антаніна Пія ў гонар яго памерлай жонкі Фаўсціны. Пасля смерці імператара храм прысвяцілі і яму: «Divo Antonino et Divae Faustinae ex S(enatus) C(onsulto)»: Боскаму Антаніну і боскай Фаўсціне па рашэнні Сената. Цэла ўпрыгожана арнаментамі і рэльефамі. У XI стагоддзі храм перарабілі ў царкву св. Лаўрэнція (San Lorenzo in Miranda), таму будынак добра захаваўся да нашых дзён.