Каірская тэлевежа (араб. برج القاهرة) — бетонная тэлевізійная вышка ў горадзе Каір, Егіпет. Знаходзіцца ў цэнтры горада ў раёне Замалік на востраве Джэзіра. Вышыня вежы — 187 метраў, гэта значыць яна на 43 метра вышэй, чым знакамітая піраміда Хеопса, размешчаная ў 15 кіламетрах да паўднёвага захаду ад вежы. Тэлевежа з'яўляецца адной з дамінант нябеснай лініі Каіра.
Вежа была пабудавана ў перыяд з 1956 па 1961 гады. Дызайн вежы нагадвае кветку лотаса. На вяршыні вежы знаходзіцца назіральная пляцоўка і рэстаран, які верціцца.
