Карнавале — музей гісторыі Парыжа, размешчаны ў двух будынках: у старадаўнім асабняку Карнавале і ў суседнім Ле-Пелецье-дэ Сен-Фаржо (Hôtel le Peletier de Saint-Fargeau), збудаваным у 17 ст. Музей знаходзіцца ў 3-й муніцыпальнай акрузе.
Будынак быў пабудаваны П'ерам Леско ў 1548—1560 гг. У 1578 г. дом быў набыты багатай удавой з Брэтані па імі Франсуаза дэ Керневенуа (фр.: Françoise de Kernevenoy), і па некалькі скажонаму прозвішчу гэтага сямейства дом атрымаў сваю назву.
У далейшым у асабняку Карнавале жылі шматлікія вядомыя і знатныя людзі, але найбольшую вядомасць ён атрымаў у канцы XVII стагоддзя, калі ў 1677—1696 гг. тут жыла маркіза дэ Севінье. У XIX стагоддзі ў Карнавале размяшчалася вучылішча дарожнага і маставога будаўніцтва, а ў 1886 г. будынак быў набыты гарадскім кіраваннем Парыжа для размяшчэння гістарычнай бібліятэкі і музея.
У 1989 г. у склад музея ўключаны і суседні асабняк Ле Пелецье дэ Сен-Фарго (фр.: Le Pelletier de Saint-Fargeau).
З 2000 года археалагічны музей Сабора Парыжскай Божай Маці знаходзіцца пад кіраўніцтвам музея Карнавале.