Кік-ін-дэ-Кёк (Kiek in de Kök, ніжненямецкая мова Зазірні ў кухню) — старая (нямецкая) назва вежаў, ў асноўным тых, якія былі часткай гарадскіх фартыфікацыйных умацаванняў. Яны атрымалі сваё імя з-за таго, што жыхары вежы ў прамым сэнсе маглі ўбачыць, што гатуецца ў кухнях бліжэйшых дамоў.
У часы Ганзейскага саюза і Тэўтонскага Ордэна вежы за межамі сучаснай Германіі таксама атрымлівалі гэтую назву, напрыклад, у Гданьску (Данцыгу) і Таліне.
Вежа, якая знаходзіцца ў Таліне — артылерыйская вежа, пабудаваная ў 1475 годзе. Яна мае вышыню 38 метраў і сцены таўшчынёй 4 метры. гарматныя ядры, датаваныя 1577 годам, да гэтага часу умантаваныя ў знешнія сцены.
Рэстаўрацыйныя працы XX стагоддзя вярнулі вежы і навакольнай мясцовасці яе першапачатковае аблічча. Зараз вежа працуе як музей і фотагалерэя.