Кіёмідзу-дэра (清水寺) — будысцкі храмавы комплекс у Японіі, поўная назва якога - Отавасан Кіёмідзудэра (音 羽山 清水寺) ва ўсходнім Кіота, гэта адна з асноўных славутасцяў горада. Храм быў заснаваны ў 798, але сучасныя будынкі адносяцца да 1633. Храм называецца так ад вадаспаду ўнутры комплексу, назва азначае Храм чыстай вады.
У Японіі існуе яшчэ некалькі менш вядомых храмаў з такой жа назвай.
Гэты храм з'яўляецца адным з нямногіх храмаў школы Хоса (адпаведнай індыйскай філасофскай школе ёгачара, заснавальнік школы - Дасэ).
Храмавы комплекс займае шырокую тэрыторыю на маляўнічым схіле гары. На тэрыторыі храма маецца невялікі вадаспад. У адным з галоўных залаў знаходзіцца свяшчэнны камень Буды, да якога трэба спускацца праз тунэль у поўнай цемры.