Мiнскi Архiкафедральны касцёл Iмя Найсвяцейшай Дзевы Марыi- галоўны касцёл Мiнска, Беларусь.
Касцёл быў узведзены ў 1710 г. як езуіцкая рэзідэнцыя. У 1773 г. Таварыства Езуса было скасаванае, і хаця на той час адзінай тэрыторыяй, дзе езуіцкі ордэн застаўся дзейнічаць, была Расійская імперыя, у свой былы прытулак, калі Мінск адышоў да Расiі, манахам вярнуцца не дазволілі. Затое сам храм з моманту заснавання ў 1798 г. Мінскай дыяцэзіі змяняе свой статус і перасвячаецца як кафедральны касцёл імя Найсвяцейшай Дзевы Марыі. За яго апсідай быў узведзены 3-павярховы будынак духоўнай кансісторыі, у якім таксама жылі ксяндзы-пралаты і канонікі. Пасля, калі кансісторыю перавялі ў комплекс былога францішканскага кляштара, тут размясцілася плябанія.