Паўночны музей (таксама Нардычны музей або Скандынаўскі музей, швед. Nordiska museet) - музей шведскай культуры і этнаграфіі на востраве Юргардэн у Стакгольме.
Ініцыятарам стварэння музея выступіў культуролаг Артур Хазеліюс (1833-1901). Пышны будынак музея будаваўся да 1907 года па ўзоры дацкага замка Фрэдэрыксбарг; у яго галоўным зале ўсталявана вялізная статуя караля Густава Вазы, які аднавіў шведскую дзяржаўнасць.
Паблізу будынка размешчаны другі ў свеце музей пад адкрытым небам, Скансен, ініцыятыва стварэння якога таксама належыць Хазеліюсу. Да 1963 года Скансен знаходзіўся ў распараджэнні адміністрацыі Паўночнага музея.