Музей сучаснага мастацтва на Манхэтэне ў Нью-Ёрку (Museum of Modern Art, скарочана MoMA) — адзін з першых і найбольш значных музеяў сучаснага мастацтва ў свеце, які паслужыў узорам для шматлікіх іншых збораў падобнага роду. Музей сучаснага мастацтва — адна з галоўных славутасцей Нью-Ёрка, якая штогод прымае 2 670 тыс. наведвальнікаў.
Быў заснаваны ў 1928 годзе ў шасці залах офіснага будынка на Манхэтэне пры садзейнічанні і заступніцтве сямейства Ракфелераў. Першым дырэктарам музея быў мастацтвазнавец Альфрэд Бар.
У збор уваходзяць творы, без якіх немагчыма сабе ўявіць мастацтва XX стагоддзя, — «Зорная ноч» Ван Гога, «Танец» Маціса, «Авіньёнскія дзяўчыны» Пікаса, «Сталасць памяці» Далі, «Птушка ў прасторы» Брынкушы.
Будаўніцтва цяперашняга будынка музея было распачата ў 1939 г., у 1950-я гг. ён быў перабудаваны ў «інтэрнацыянальным стылі» Філіпам Джонсанам, падчас рэканструкцый 1980-х і 2000-х гг. музейныя плошчы былі павялічаны ў некалькі разоў.
У 1947 годзе кіраўніцтвам МоМА быў падпісаў кантракт з нью-ёркскім музеем «Метраполітэн», паводле якога творы мастацтва, па меры пераходу з разраду сучасных у разрад класічных, павінны былі перадавацца з МоМА ў «Метраполітэн». Калі б праз шэсць гадоў дагавор не быў скасаваны, МоМА страціў бы велізарную частку прац, якія сталі цяпер «класікай» сучаснага мастацтва.