Палац Сінтра (парт. Palácio Nacional de Sintra) — сярэднявечны палац у Сінтры, дзе з XV па кан. XIX ст. жылі партугальскія манархі. Нефармальна называецца Вясковым палацам (Palácio da Vila). Нароўні з двума іншымі палацамі Сінтры ўключаны ў лік аб'ектаў Сусветнай спадчыны ЮНЕСКА.
Яшчэ ў XII ст. на месцы палаца знаходзілася рэзідэнцыя маўрытанскіх кіраўнікоў. Захаваныя пабудовы ўзніклі большай часткай у праўленне Жуана I. Сярод гістарычна значных пакояў — Зала сарок, Зала лебедзяў і Арабская зала (пашкоджаны падчас землетрасення 1755 года). Палацавая капліца, магчыма, адносіцца да кіравання Дыніша I (1261—1325). Гербавая зала і рэнесанснае крыло, пабудаваныя для Мануэля I, дэкараванае паліхромнымі севільскімі кафлямі.