Сабор Святога Стэфана ў Вене (ням.: Stephansdom, у прастамоўі Steffl) — каталіцкі сабор, нацыянальны сімвал Аўстрыі і сімвал горада Вены. Кафедра венскага архібіскупа — прымаса Аўстрыі. Размешчаны ў цэнтры старога горада на плошчы Св. Стэфана (Штэфансплац). Першы храм на месцы сабора пабудаваны ў 1137—1147; сабор у цяперашнім стане пабудаваны ў XIII—XV стагоддзях і атрымаў цяперашні выгляд да 1511 года. Зараз знаходзіцца на рэстаўрацыі.