Статуя Хрыста Збавіцеля (парт.: Cristo Redentor) — скульптура Ісуса Хрыста, знаходзіцца на ўзгорку Каркаваду, побач з Рыа-дэ-Жанейра, у Бразіліі.
Размешчана на ўзроўні 709 метраў вышэй за ўзровень мора. Вышыня 38 метраў, 8 метраў складае пастамент.
Будавалася пяць гадоў, а афіцыйнае адкрыццё адбылося 12 кастрычніка 1931. Ідэя будаўніцтва рэлігійнага помніка ўпершыню з'явілася ў 1859 г. Прапанова паступіла ад Педра Марыя Босу і прынцэсы Ізабелы. Ідэя была ізноў прынятая да ўвагі ў 1921 г.
Першы камень быў закладзены 4 красавіка 1922 г., маштабныя працы пачаліся ў 1926 г. Сярод шматлікіх, хто ўдзельнічаў у будаўніцтве гэтага помніка, можна згадаць Эітора да Сілву Коста (парт. Heitor da Silva Costa) — аўтара праекту, мастака Асвальда Карласа (парт. Carlos Oswald) і французскага скульптара Поля Ландоўскага (фр. Paul Landowski).
Статуя Хрыста Збавіцеля на Вікісховішчы |