Таронцкі ўніверсітэт (англ.: University of Toronto, скарочана U. of T.) — публічны даследчы ўніверсітэт у Таронта, Антарыа, Канада. Большасць асноўных тэрыторый і аб'ектаў універсітэта размешчаны на поўнач ад Фінансавай акругі ў Парку Каралевы. Заснаваны ў 1827 годзе як Каралеўскі Каледж пад кіраваннем Царквы Англіі, і стаў першай установай вышэйшай адукацыі ў Верхняй Канадзе. У 1850 годзе атрымаў назву Універсітэта Таронта, бо стаў свецкай навучальнай установай. З тых часоў і па сённяшні дзень Універсітэт Таронта — калегіяльны ўніверсітэт, гэта значыць, універсітэт, які складаецца з некалькіх разнапрофільных каледжаў. Універсітэт Таронта ўключае ў сябе 12 каледжаў, якія маюць адрозненні не толькі ў тэматыцы выкладаемага матэрыялу, але і ў гісторыі, традыцыях, ступені аўтаномнасці вучэбнай базы, фінансавання.
Акрамя навучання, універсітэт забяспечвае вольны час студэнтаў. На яго аснове дзейнічае каля сарака каманд у розных відах спорту. Цэнтрам культурнага жыцця вучняў з'яўляецца Харт-хаўс, які лічыцца ўзорам студэнцкіх цэнтраў Паўночнай Амерыкі, які размяшчаецца ў будынку гатычнага стылю.