Трэптаў-парк (ням. Treptower Park) — знакаміты парк Берліна, знаходзіцца ва ўсходняй частцы горада на беразе Шпрэе ў раёне Альт-Трэптаў у акрузе Трэптаў-Кепенік, пандан размешчанага ў заходняй частцы Берліна Вялікаму Тыргартэну.
Парк плошчай 88,2 га быў закладзены ў 1876—1888 гадах па праекце дырэктара гарадскіх садоў Іагана Генрыха Густава Маера.
У цэнтральнай частцы парку на вялікім лузе знаходзіцца манумент Воіну-вызваліцелю, усталяваны ў 1946—1949 гг. — месца пахавання больш за 5 тысяч савецкіх салдат, загінулых у Другую сусветную вайну. Помнік з'яўляецца не абстрактным манументам, гэта помнік сяржанту з Мінска Мікалаю Масалаву, які рэальна выратаваў нямецкую дзяўчынку.