Валаамскі манастыр — праваслаўны манастыр на востраве Валаам у Ладажскім возеры. Заснаваны наўгародцамі не пазней пачатку 14 ст. Знаходзячыся на мяжы наўгародскіх уладанняў, служыў крэпасцю і шмат разоў адбіваў напады шведаў. У 1611 быў зруйнаваны шведамі. Адноўлены па ўказе Пятра I ў 1715 годзе. Валаамскі манастыр вядомы строгім статутам. Славіцца добра арганізаванай гаспадаркай: малочнай жывёлагадоўляй, садоўніцтвам, агародніцтвам, рыбнай лоўляй і промысламі.