Вольта () — найбуйнейшае па плошчы (каля 8,5 тыс. км²) вадасховішча ў свеце.
У 1961—1965 гг. каля горада Акасомба (Гана) у сутоцы рэк Чорная Вольта і Белая Вольта ў вузкай цясніне была пабудавана ГЭС. У выніку, пасля запаўнення вадасховішча займае 3,6 % плошчы Ганы. Пры запаўненні тэрыторыі вадой было выселена каля 78 тыс. чалавек. Адначасова ГЭС забяспечвае большую частку краіны электраэнергіяй.
Ніжэй ГЭС размешчана рака Вольта, што цячэ ў Атлантычны акіян.
На ўтвораным вадасховішчы шырока развіта рыбалоўства і суднаходства. Поўнач возера знаходзіцца ў зоне саваны, поўдзень — у зоне трапічных лясоў.
Даўжыня вадасховішча з поўначы на поўдзень — каля 400 км, берагавой лініі — больш за 7 тыс. км, узбярэжжы парэзаныя, на возеры знаходзіцца мноства невялікіх астравоў. Аб'ём вадасховішча складае каля 148 км ³, сярэдняя глыбіня 18 м, максімальная — 80 м.
