Бі́ва — самае вялікае прэснаводнае возера ў Японіі, якое знаходзіцца ў прэфектуры Сіга (цэнтральная частка вострава Хансю), на паўночны ўсход ад былой сталіцы Кіёта. Часта згадваецца ў японскай літаратуры, бо знаходзіцца блізка да старажытнай сталіцы.
У возера ўпадаюць больш за 400 малых рэк, з возера выцякае рака Ёдо або Сэта. Басейн возера ахоплівае 3174 км², возера ў даўжыню 63,49 км, у шырыню 22,8 км, плошча 670,4 км², найбольшая глыбіня 103,58 м, аб'ём 27,5 км³, узбярэжжа 235,2 км, вышыня над узроўнем мора 85,6 м. Возера мае 4 вострава.
Каля паўднёвага берага горад Оцу.