Сіху (літаральна: «Заходняе возера») — знакамітае прэснаводнае возера ў цэнтры горада субправінцыйнага значэння Ханчжоў правінцыі Чжэцзян Кітайскай народнай рэспублікі. Возера перасякаюць дамбы Судзі (кіт. спр. 苏堤, піньінь: Sū Dī, «Дамба Су Дунпо»), Бодзі (кіт. спр. 白堤, піньінь: Bái Dī, «Дамба Бо Цзюйі») і Янгундзі (кіт. спр. 杨公堤, піньінь: Yánggōng Dī). У 2011 г. возера Сіху з навакольнымі храмамі, мастамі і садамі было ўнесена ЮНЕСКА ў спіс Сусветнай спадчыны.