Та́на, Цана, Дэмбеа — возера на паўночным захадзе Эфіопіі, Усходняя Афрыка.
Плошча паверхні возера 2156 км², найбуйнейшае возера Эфіопіі. Найбольшая глыбіня — 14 м. Возера размешчана на Эфіопскім нагор'і на вышыні 1830 м над узроўнем мора. Каля 50 рэк упадае ў возера. Найбуйнейшая з іх — Малы Абай, часам званая Верхні Блакітны Ніл. Выцякае з возера рака Блакітны Ніл (Абай). На возеры шмат астравоў (буйнейшы — востраў Дэк).