Мост Залатыя Вароты (анг. Golden Gate Bridge) — вісячы мост праз праліў Залатыя Вароты. Ён злучае горад Сан-Францыска на поўначы паўвострава Сан-Францыска і паўднёвую частку акругі Марын, побач з прадмесцем Саўсаліта. Мост Залатыя Вароты быў самым вялікім вісячым мостам у свеце з моманту адкрыцця ў 1937 годзе і да 1964 года. Даўжыня моста - 1970 метраў, даўжыня асноўнага пралёта - 1280, вышыня апор - 230 метраў над вадой, маса - 894500 тон. Ад праезжай часткі да паверхні вады - 67 метраў. Гэта адзін з самых вядомых мастоў у свеце.